Helgi á göngu
Samþykkt var á 46. Sambandsþingi UMFÍ sem haldið var í Reykjanesbæ 10. – 11. október 2009, að fela stjórn UMFÍ að setja á fót nýtt gönguverkefni, byggt á og í tengslum við „Göngum um Ísland“. Verkefnið ber heitið Helgi á göngu og snýst um skipulagðar gönguferðir á vegum UMFÍ tiltekna helgi, víðs vegar um landið á einhverri af þeim gönguleiðum sem merktar hafa verið á vegum hreyfingarinnar. Verkefnið verður í minningu um gönguforkólfinn og ungmennafélagann Helga Magnús Arngrímsson.
