UMFÍ styrkir grasrótarstarf
Hlutverk UMFÍ er að styrkja og efla starf sambandsaðila og aðildarfélaga þeirra. Hér er að finna upplýsingar um styrki sem sambandsaðilar hljóta og geta sótt um til UMFÍ.
Fræðslu- og verkefnasjóður
Fræðslusjóður var stofnaður árið 1943 til minningar um Aðalstein Sigmundsson, formann UMFÍ 1930 - 1938. Verkefnasjóður var stofnaður árið 1987. Árið 2011 var ákveðið að sameina sjóðina undir heiti þeirra beggja. Markmið sjóðsins er að styrkja félags- og íþróttastarf ungmennafélagshreyfingarinnar í samræmi við stefnu UMFÍ.
Umhverfissjóður
Sjóðurinn var stofnaður árið 2002 til minningar um Pálma Gíslason, formann UMFÍ 1979 - 1993. Stofnfé sjóðsins var framlag fjölskyldu Pálma og UMFÍ. Úthlutað var fyrst úr sjóðnum árið 2008. Markmið sjóðsins er að styrkja umhverfisverkefni félaga eða einstaklinga innan ungmennafélags-hreyfingarinnar.
Lýðháskólastyrkir
UMFÍ hefur undanfarin ár styrkt ungt fólk sem hyggur á nám í við lýðháskóla í Danmörku. Markmiðið með styrkveitingunni er að gefa ungu fólki tækifæri til þess að víkka sjóndeildarhring sinn, kynnast nýju tungumáli og menningu og auka færni sína og þekkingu á völdu sviði með óformlegu námi.
