Komdu og vertu með á Landsmóti 50+
Landsmót UMFÍ 50+ sameinar íþróttir, hreyfingu og gleði. Mótið er öllum opið sem verða 50 ára á árinu og eldri. Þátttaka er á eigin forsendum og ekki þarf að vera skráður í íþróttafélag.
Mótið fer fram á Hellu 25. - 27. júní 2027.
Komdu og taktu þátt í skemmtilegum og lifandi viðburði.
Fréttir af Landsmóti UMFÍ 50+
05. október 2026
Mikil spenna fyrir landsmótinu á Hellu
„Það er mikil spenna fyrir Landsmóti UMFÍ 50+ á Hellu næsta sumar og gleði í loftinu,“ segir Guðríður Aadnegard, formaður HSK. Undirbúningur mótsins hefur gengið mjög vel og er stefnt á að bjóða upp á 22 keppnisgreinar eins og dráttavélaakstur, pönnukökubakstur og fleira ásamt ringó og öðrum klassískum.
01. júlí 2026
Ringó sló í gegn á Landsmóti UMFÍ 50+
Landsmót UMFÍ 50+ fór frábærlega fram í Hrafnagilshverfi í Eyjafjarðarsveit um helgina. Mjög góð þátttaka var á mótinu en 366 einstaklingar skráðu sig í 791 grein. Töluverð fjölgun hefur verið í ringó í gegnum árin en 16 lið voru skráð til leiks.
01. júlí 2026
Þakkað fyrir að hvetja aðra til þátttöku
Sex einstaklingum var þakkað fyrir virka þátttöku á Landsmóti UMFÍ 50+ í Hrafnagilshverfi um helgina og fyrir að hvetja aðra til að mæta á mótið. Þetta voru þau Flemming Jessen, Eygló Alexandersdóttir, Margrét Björnsdóttir, Karl Lúðvíksson, Steinunn Ingimundardóttir og Þorbergur Þórðarson.
