50. sambandsþing UMFÍ sett í dag
Fulltrúar 29 sambandsaðila UMFÍ og fleiri gestir hafa flykkst að Hótel Hallormsstað á Fljótsdalshéraði í morgun. Gert er ráð fyrir um 150 þinggestum, fulltrúum sambandsaðila, íþróttabandalaga, þingmenn og fleiri. Á meðal annarra gesta við setninguna eru Benedikt Jóhannesson fjármálaráðherra, Einar Aðalsteinn Brynjólfsson, þingmaður Pírata í NA-kjördæmi, og Guðrún Ágústa Þórdísardóttir, frambjóðandi og varaþingmaður Pírata í sama kjördæmi. Á sunnudag verður Kristján Þór Júlíusson mennta- og menningarmálaráðherra.
Tilefnið er 50. sambandsþing UMFÍ sem verður sett á hótelinu klukkan 11:00.
Sambandsþing UMFÍ er æðsta vald í málefnum UMFÍ og haldið annað hvert ár fyrir.
Verkefni sambandsþings eru:
- Ræða skýrslu liðins kjörtímabils
- Afgreiða reikninga næstliðins reikningsárs, sem er almanaksárið.
- Lagabreytingar.
- Marka stefnu UMFÍ á komandi árum.
- Kjósa formann UMFÍ, 6 stjórnarmenn og 4 varastjórnarmenn, kjósa 5 aðalmenn og tvo varamenn í kjörnefnd, kjósa tvo skoðunarmenn og tvo til vara.
- Afgreiða fjárhagsáætlun næsta árs.
Dagskrá 50. sambandsþings UMFÍ
Tillögur fyrir 50. sambandsþing UMFÍ
Þingið stendur yfir alla helgina og er gert ráð fyrir að því verði slitið klukkan 15:00 sunnudaginn 15. október.
Á myndinni hér að ofan má sjá Hrönn Jónsdóttur, stjórnarmaður UMFÍ.
Hér að neðan má sjá fleiri myndir frá setningu sambandsþingsins.