Allskonar um hreyfinguna í nýjasta blaði Skinfaxa
Eldhressir liðsfélagar í Zimnolubni Islandia sem þátt tóku í Forsetahlaupi UMFÍ prýða forsíðu nýjasta tölublaðs Skinfaxa, tímarits UMFÍ. Myndin var tekin í heimkeyslunni að Bessastöðum þegar hlaupið fór fram í sumar.
Agnieszka Narkiewicz-Czurylo stofnaði félagið í kringum sjósund fyrir fjórum árum og eru í því í kringum 90 Pólverjar sem búsettir eru á Íslandi og hafa gaman af því að hreyfa sig saman. Stór hópur félagsmanna tók einmitt þátt í Forsetahlaupinu.
Þetta er annað tölublað Skinfaxa sem kemur út á árinu. Tímarit UMFÍ hefur komið út frá árinu 1909 og því með elstu tímaritum landsins. En blaðið er alltaf í takt við tímann og þar má alltaf lesa það nýjasta í íþrótta- og ungmennafélagshreyfingunni og fylgjast með straumum og stefnum.
Blaðið er nú á leið til áskrifenda og í dreifingu um allt land. Blaðið er hægt að nálgast í sundlaugum og íþróttahúsum. Það er líka hægt að lesa á www.umfi.is.
Á meðal efnis í blaðinu
- Samanburður á frístundastyrkjum sveitarfélaga
- Hvað kostar að æfa íþróttir?
- Þetta er starfsfólk svæðisstöðva íþróttahéraðanna
- Færir íþróttafélagið inn í nútímann
- Allir með-leikarnir: Stórhátíð með íþróttaívafi
- Pakkfullt á ráðstefnu ungs fólks um lýðheilsu
- Erla Björnsdóttir: Svefn hefur áhrif á árangur í íþróttum
- Meira samstarf skilar sér í betri íþróttahreyfingu
- Nýtum kraftinn í hreyfingunni: Leiðari Jóhanns Steinars Ingimundarsonar, formanns UMFÍ.
- Þorsteinn Dagur fræðir fólk um sögu Hvítbláans.
- Þorkell Gunnar segir sigur á Dönum hafa verið sætastan.
- Vinsælt að verða sjálfboðaliði hjá ISCA í Kaupmannahöfn.
- Margir mæta í annað og þriðja sinn á Unglingalandsmót UMFÍ
- 101 árs í línudansi
- Stafrænum málum fjölgar hjá samskiptaráðgjafa
- Meira stuð, meiri drulla!
- 13 ára berfætt í spretthlaupi
Þú getur lesið blaðið allt á umfi.is. Smelltu á myndina hér að neðan og þá geturðu farið að njóta lestursins. Góða skemmtun!
