Fjórar greinar í sundi á Landsmóti UMFÍ 50+ í Neskaupstað
Finnst þér gaman í sundi? Keppt verður í stundi í Stefánslaug á Landsmóti UMFí 50+ í Neskaupstað laugardaginn 29. júní. Keppnin er bæði kynja- og aldursskipt frá 50 ára aldri og upp úr.
Í boði verður skriðsund, baksund, bringusund og boðsund.
Skelltu þér í laugina!
Hvað er í boði?
Landsmót UMFÍ 50+ er blanda af íþróttakeppni og annarri skemmtun sem fer fram dagana 28.-30. júní. Boðið er upp á fjölda íþróttagreina. Þátttakendur þurfa hvorki að vera skráðir í íþróttafélag né ungmennafélag. Greiða þarf eitt gjald fyrir þátttöku í eins mörgum greinum og viðkomandi vill taka þátt í.
Laugardaginn 29. júní verður skemmtikvöld. Veislustjóri er Jens Garðar Helgason, boðið verður upp á dýrindis kvöldverð og skemmtiatriði. Undir dansi leikur Danshljómsveit Guðmundar R. Gíslasonar. Greiða þarf sérstaklega fyrir skemmtikvöldið. Aðgangseyrir er 5.200 krónur.