Keppt í rafíþróttum á Unglingalandsmóti UMFÍ

„Það verður íþrótta­andi á Sel­fossi og við trú­um því að það verði til mörg vina­bönd­in eft­ir þessa helgi,“ sagði Aron Ólafs­son, framkvæmdastjóri Rafíþróttasamtaka Íslands. Keppt verður í rafíþróttum á Unglingalandsmóti UMFÍ á Selfossi um verslunarmannahelgina. Aron segir þetta fagnaðarefni og lítur hann mjög björt­um aug­um á mótið.

Rætt var við Aron í Morgunblaðinu í gær.

Þá hvet­ur hann for­eldra einnig til þess að kynna sér fleiri íþrótt­ir en kepp­end­ur á mót­inu mega skrá sig í fleira en eina grein.

Í rafíþrótta­flokkn­um verður keppt í League of Le­g­ends, Coun­ter-Strike: Global Of­fensi­ve og Rocket League.

Bein útsending

Allir keppnisleikir eru í beinni útsendingu á einni af fimm streymisrásum Selfoss Esports á www.twitch.tv. Upplýsingar um hvaða leikir eru sýndir á hvaða rás, ásamt slóðum á réttar rásir, verða á facebook-síðu Selfoss Esports: www.facebook.com/selfoss.esports

Hvað er í boði?

Ung­linga­lands­mótið er vímu­laus fjöl­skyldu­hátíð og verður nóg um að vera fyr­ir fjöl­skyld­una. Á meðan mót­inu stend­ur verður fjöl­breytt afþrey­ing og skemmt­un í boði en dag­skrána er hægt að nálg­ast með því að fylgja þess­um hlekk.

Mótið fer fram á Sel­fossi helg­ina 29. til 31. júlí og munu þá börn og ung­menni á aldr­in­um ell­efu til átján ára spreyta sig í fjöl­mörg­um íþrótta­grein­um.

Boðið er upp á meira en 20 greinar á Unglingalandsmótinu á Selfossi. Greinarnar eru: Biathlon - bogfimi - Borðtennis - Fimleikalíf - frisbígolf - frjálsar íþróttir - glíma - golf - götuhjólreiðar - hestaíþróttir - knattspyrna - kökuskreytingar - körfubolti - mótokross - pílukast - rafíþróttir - skák - stafsetning - strandblak - strandhandbolti - sund - taekwondo og upplsetur.

Hefurðu skoðað greinarnar? Smelltu hér til að lesa meira um keppnisgreinar

Heilmikil afþreying er líka í boði alla dagana og tónleikar öll kvöldin. Fram koma Birnir, Bríet, Frikki Dór og Jón Jónsson, dj Dóra Júlía, Hr. Hnetusmjör, Jón Arnór og Baldur, Sigga Ósk, Stuðlabandið og fleiri.

Hvað kostar?

Miði á Unglingalandsmótið kostar 8.500 krónur. Innifalið í miðaverðinu er þátttaka á Unglingalandsmótinu og geta þátttakendur valið hvað þeir skrá sig í margar greinar. Ekki þarf að greiða nema eitt gjald.

Inni í verðinu er líka aðgangur að tjaldsvæði en greiða þarf smáræði fyrir aðgang að rafmagni.

Inni í gjaldinu er meira að segja aðgangur allir afþreyingu, hoppudóti og tónleikum á hverju kvöldi.

Allar upplýsingar á www.ulm.is