Komdu og kynntu þér danskan lýðháskóla
Langar þig í lýðháskóla eða hefurðu heyrt af því hvað það er gaman að fara í lýðháskóla? Þá er Nordjyllands Idrætshøjskole (NIH) mjög spennandi valkostur. NIH er með nýjustu lýðháskólum í Danmörku og býður Íslendingum alltaf 25% afslátt af skólagjöldum ásamt því að hafa reglulega tilboð. Þær Þórunn Sigurjónsdóttir, markaðsfulltrúi NIH, og Hrafnhildur Jóna, fyrrverandi nemandi við NIH, verða með kynningu á skólanum í þjónustumiðstöð UMFÍ fimmtudaginn 2. nóvember á milli klukkan 20:00 - 21:30.
Ef þú mætir á kynninguna færðu:
- 25% afslátt af skólagjöldum
- 25% afslátt af utanlandsferð að eigin vali
- 2.500 DKK FERÐASTYRK sem mun fara uppí ferðakostnað fyrir flugmiða til Danmerkur (ca. 40.000 ISK)
Á kynningunni verður sagt frá:
• Aðstöðu skólans
• fögunum sem eru í boði
• Utanlandsferðunum
• Kostnaðnum (Íslendingtilboðið)
• Félagslífinu og auðvitað okkar reynslu af skólanum.
• Bæklingar á Íslensku
• Hrafnhildur Jóna fyrrum nemandi skólans segir frá sinni upplifun
Íþróttalýðháskóli er alls ekki bara fyrir fólk sem hefur verið að æfa íþróttir - þó þetta sé auðvitað algjör paradís fyrir íþróttafólk koma líka nemendur þangað sem hafa lítið stundað íþróttir áður. Skólinn leggur áherslu á þátttöku, en fyrir þá sem hafa æft íþróttir lengi og vilja ná árangri býr skólinn yfir frábærri aðstöðu sem nemendur mega líka nota í sínum frítíma. Skólinn er fyrir alla þá sem langar að prófa nýjar íþróttir, ferðast, kynnast nýju fólki og stíga aðeins út fyrir þægindarammann!
UMFÍ og Højskolernes Hus í Kaupmannahöfn hafa gert á milli sín samning tengt námsdvöl íslenskra ungmenna í dönskum lýðháskólum. Højskolernes Hus heldur utan um alla lýðháskóla í Danmörku og því er námsframboðið fjölbreytt. Það sem betra er, UMFÍ veitir þeim styrk sem vilja fara í lýðháskóla.
Markmið með styrkveitingunni er að gefa ungu fólki tækifæri til að víkka sjóndeildarhring sinn, kynnast nýju tungumáli og menningu, auka færni sína og þekkingu á völdu sviði í gegnum óformlegt nám og styrkja leiðtogatogahæfileika sína um leið.
UMFÍ veitir annarsvegar ferðastyrk og hinsvegar dvalarstyrk.
Umsóknarfrestur fyrir vorönn er 10. janúar 2018. Stutt er í að opnað verður fyrir umsóknir.
Nordjyllands Idrætshøjskole (NIH)
Meira um lýðháskóla á vef UMFÍ
Hér má sjá myndband frá Evu um skólann.
https://www.youtube.com/watch?v=eaXhTpxIO3o&feature=em-upload_owner