Metþátttaka í kökuskreytingum

Róbert Óttarsson bakarameistari stóð í ströngu með bakaradrengnum við undirbúning keppni í kökuskreytingum sem fram fer í íþróttahúsinu á Sauðárkróki í dag.

Metþátttaka er í kökuskreytingum en tæplega 400 þátttakendur eru skráðir til leiks. Af þeim sökum eru þrjú holl í keppninni og er þema hennar fjölbreytileiki.

11-12 ára – mæting kl 15:30, keppni hefst kl 16:00.

13-14 ára – mæting kl 17:30, keppni hefst kl 18:00.

15-18 ára – mæting kl 19:00, keppni hefst kl 19:30.

Þátttakendur fá tilbúna hringlaga kökubotna og fá ýmis konar hráefni. Ekki er heimilt að koma með sitt eigið skraut og nammi og alls ekki auka kökubotn. Keppt er í einstaklingskeppni og tveggja manna liðum og fá keppendur klukkustund til að vinna að skreytingunni. Dæmt er eftir útliti, frumleika og góðum hugmyndum.