Mörg ungmenni vilja sæti í Ungmennaráði UMFÍ
![](/media/rluhzneh/15590d_499dd0998e764339b5f2de1c0fb5aba4-mv2_d_5472_3648_s_4_2-1.jpg?width=400&height=400&v=1d9a9c9170b2fb0 1x)
Alls bárust tólf umsóknir víðsvegar af landinu um sæti í Ungmennaráði UMFÍ. Umsóknirnar eru nokkuð jafnar á milli kynja. Ungmennaráð UMFÍ á aldrinum 16-25 ára alls staðar að af landinu og er það skipað á sambandsþingum UMFÍ til tveggja ára í senn.
Frestur til að skila inn umsóknum rann út 22. september síðastliðinn.
Sambandsþing UMFÍ fer fram helgina 14.- 15.október. Í kjölfar þess mun stjórn UMFÍ funda um nefndir og tilkynna m.a. hver muni taka sæti í Ungmennaráði UMFÍ.
Það er frábært að ungt fólk hefur áhuga á því að starfa í ráðinu og gaman að sjá áhuga þeirra á félagsstörfum og lýðheilsu almennt.
Ráðið er umræðu- og samstarfsvettvangur ungmenna innan UMFÍ sem vill láta rödd sína og annarra ungmenna heyrast. Á meðal helstu verkefna Ungmennaráðs UMFÍ er ráðstefnan Ungt fólk og lýðræði, sem haldin er einu sinni á ári og umræðupartýum UMFÍ sem haldin eru tvisvar á ári.