02. ágúst 2023
Nú geturðu skoðað liðin á Unglingalandsmóti
![](/media/cesmptrg/7c2a1389.jpg?width=400&height=400&v=1d9b5955f347c10 1x)
Þátttakendur á Unglingalandsmóti UMFÍ geta nú skoðað lið og stöðu þeirra á mótinu ásamt því að sjá upplýsingar um tíma- og staðsetningu leikja.
Til þess að finna liðið þitt byrjar þú á að smella á íþróttagrein og síðan á aldursflokk.
Þar er hægt að velja um umferðir, stöðu eða lið til þess að sjá nánari upplýsingar um liðin og tíma- og staðsetningar leikja.
Á mótinu er leikið eftir svokölluðu Monrad-kerfi. Kerfið gengur út á sjálfvirka geturöðun. Í fyrstu umferð er liðum raðað saman handahófskennt og spila lið tiltekinn fjölda leikja á hverju móti.