Síðasta tölublað Skinfaxa 2021 komið út!

Þetta eru nú meiri jólin! Aldeilils spennandi. UMFÍ bætir hér síðustu jólagjöfinni í pakka landsmanna því nýjasta tölublað Skinfaxa, tímarits UMFÍ, er komið út. Blaðið er komið í dreifingu og öðru hvoru megin við bréfalúgu dyggra áskrifenda um allt land. Blaðið er hægt að nálgast í sundlaugum, íþróttahúsum og mörgum fleiri stöðum.

Blaðið er stútfullt af brakandi fersku, spennandi og gríðarlega fróðlegu efni úr ungmennafélagshreyfingunni.

Á meðal efnis í blaðinu:

• Helgi Gunnarsson í viðtali: Endurreisn Ungmennasambandsins var byrjunin á þessu öllu.
• Dásamlegt að deila hlaupagleði með öðrum á Höfn.
• Knattspyrnukonan Elísa Viðarsdóttir og íþróttafólk kennir réttu tökin í eldhúsinu.
• Tónlistarkonan Bríet á góðar minningar úr Ungmennabúðum UMFÍ.
• Dr. Ágúst Einarsson mælir með því að nýta sterkan íþróttageira til að bæta heilsu aldraðra í framtíðinni.
• Smábæjaleikarnir sameina iðkendur fámennra bæja.
• Nýtt tímabókunarkerfi sparar 2–3 vinnudaga.
• Námskeið um svefn, lýðheilsu og verkefni sem ná til nýrra Íslendinga.
• Sunddeildin leigði Ungmennabúðirnar.
• Allskonar og myndir frá sambandsþingi UMFÍ á Húsavík.
• Og miklu, miklu meira…

Smellið á myndina, lesið blaðið og deilið því til vina og vandamanna um jólin.

Gleðileg jól.