Skemmtiskokk fyrir alla!

Fjölbreytt afþreying og hreyfing er í boði fyrir alla fjölskylduna á Unglingalandsmóti sem fram fer um helgina. 

Á morgun, laugardaginn 30. júlí, eru allir áhugasamir hvattir til þess að taka þátt í laufléttu og skemmtilegu skemmtiskokki sem fram fer í Hellisskógi. Hellisskógur er skemmtilegt útivistarsvæði vestan við Ölfusá á Selfossi. Hægt er að velja um 2 km hring eða 3,5 km hring, en að sjálfsögðu er hægt að hlaupa bæði styttra og lengra. Sjálfboðaliðar frá UMFÍ verða á staðnum til hvatningar og halds og traust.

Skokkið hefst klukkan 13:00 og stendur til klukkan 14:00.

Sjáumst í Hellisskógi!