Styttist í mótahelgi í Borgarnesi
Fjölskyldan hefur heilmikið að gera saman á Unglingalandsmóti UMFÍ sem haldið verður í Borgarnesi um verslunarmannahelgina. Þar verður keppni fyrir 11 - 18 ára í átján íþróttagreinum. Kynning verður líka alla helgina á fjölda íþróttagreina sem allir fá að prófa og leika sér í.
Búast má við heilmikilli gleði á þessari fjölskyldu- og íþróttahátíð sem fram fer á hverju ári.
Þátttökugjald er aðeins 9.400 krónur.
Með miða á mótið fylgir aðgangur að keppnisgreinum fyrir einn þátttakanda á aldrinum 11- 18 ára, aðgangur að tjaldsvæði fyrir alla fjölskylduna, en greiða þarf sérstaklega fyrir rafmagn og er það gert í gegnum skráningarkerfi mótsins.
Athugið að verð fyrir rafmagn á tjaldsvæðinu er 4.900 krónur til mánudagsins 29. júlí. Eftir þann tíma hækkar það í 6.900 krónur.
Einnig er innifalið í miðaverðinu aðgangur að allri afþreyingu á mótinum, tónleikar á hverju kvöldi, ferðir með strætisvögnum frá tjaldsvæði að mótasvæði alla dagana og aðgangur í sundlaugar í Borgarbyggð.
Með hverjum ætlar þú að keppa á Unglingalandsmótinu í Borgarnesi?
Opið er fyrir skráningu á Unglingalandsmót UMFÍ til klukkan 16:00 mánudaginn 29. júlí.
Mikill fjöldi hefur þegar skráð sig. Gott er fyrir skráningarfrest að kanna hvort búið sé að skrá í liðagreinar og búa til nöfn á liðin.
Skrá í greinar
Athugið að hlekkur til að skrá þátttakanda í greinar er undir liðnum skráningar í appinu (velur shop - skammstöfun þína efst í hægra horni og velur kvittun fyrir greiðslu þátttökugjalds á Unglingalandsmótinu). Hlekkurinn er líka á kvittun sem barst í tölvupósti fyrir greiðslunni.
