Þetta eru opnu greinarnar á Landsmóti UMFÍ 50+
Landsmót UMFÍ 50+ er handan við hornið í Stykkishólmi. Þjónustumiðstöð mótsins opnar í íþróttahúsi bæjarins klukkan 18:00 í dag og verður hún opin til klukkan 22:00 í kvöld. Í íþróttahúsinu fá þátttakendur sem hafa skráð sig á mótið og greitt þátttökugjald fengið hvítt armband sem gildir á alla keppni og viðburði mótsins.
Í íþróttamiðstöðinni verður líka hægt að kaupa rautt armband sem gildir fyrir ákveðna viðburði.. Armböndin eru fyrir 18 ára og eldri og kosta 2.000 krónur.
Svona verður dagskráin á opnum viðburði fyrir þátttakendur með bæði rautt og hvítt armband.
Föstudagur:
5 km götuhlaup (opið öllum með hvítt og rautt armband)
Kl. 17:00 - 18.00
Kl. 18:00 Mótssetning. Stuttur viðburður opin öllum.
Laugardagur:
Hjólreiðar (opið öllum með hvítt og rautt armband)
Kl. 11:00 - 12:00
- Ræst er við afleggjara inn á Berserkjaveg við Kothraunskúlu.
Kynningargreinar - börn (frítt), 18 ára + með rauð eða hvít armbönd
Kl: 10:00 - 14:00: Píla, borðtennis og badminton í íþróttahúsinu.
- Ingibjörg Magnúsdóttir Íslandsmeistari í pílu verður með kynningu og kennslu.
- Borðtennissamband Íslands verður á staðnum.
- Björn Ásgeir og Bjössi málari halda utan um badmintonið.
Kl: 10:00 - 14:00: Petanque á malarvellinum við íþróttahúsið/sparkvöllinn. Petanque svipar til boccía, spilað á malarvelli með litlar stál kúlur.
En hvernig á að spila petanque? Þú getur séð það í þessu kynningarmyndbandi.
- Kl: 11:00 - 14:00: Biathlon á íþróttavellinum. Biathlon er skotfimi þar sem þú gengur/skokkar einn hring og skýtur síðan á skotksýfu með ragmagnsriffli.
- Kl: 13:00 - 16:00: Frisbígolf - fyrir aftan grunnskólann og tjaldsvæðið.
- Kl: 14:00 - 16:00: Leikjagarður í Hólmgarði. UMFÍ kemur með allskyns leiki sem hægt er að prófa, t.d. krikket, nokkrar frisbígolfkörfur og fleira þess háttar.
Á þessari vefslóð getið þið skoðað alla dagskránna.
https://www.umfi.is/vidburdir/landsmot-50plus/dagskra/
Hlökkum til að sjá ykkur sem flest út um allan bæ um helgina.