Þrettán í framboði til stjórnar UMFÍ
Frestur til að tilkynna framboð til formanns, stjórnar og/eða varastjórnar UMFÍ rann út á þriðjudag, 10. október síðastliðinn. Jóhann Steinar Ingimundarson, formaður UMFÍ, er einn í framboði til formanns. Hann tók við formennsku í stjórn UMFÍ af Hauki Valtýssyni á sambandsþingi UMFÍ á Húsavík fyrir tveimur árum.
Þrettán eru í framboði til stjórnar og varastjórnar UMFÍ um tíu sæti.
Af núverandi stjórnarfólki gefa Lárus B. Lárusson og Gissur Jónsson ekki kost á sér áfram. Lárus er frá Ungmennasambandi Kjalarnesþings en Gissur frá Héraðssambandinu Skarphéðni.
Í kjöri til aðalstjórnar eru eftirfarandi einstaklingar:
- Ásgeir Sveinsson – Héraðssambandinu Hrafna-Flóka.
- Guðmundur G. Sigurbergsson – Ungmennasambandi Kjalarnesþings.
- Gunnar Þ. Gestsson – Ungmennasambandi Skagafjarðar.
- Gunnar Gunnarsson – Ungmenna- og íþróttasambandi Austurlands.
- Helgi S. Haraldsson – Héraðssambandinu Skarphéðni.
- Kristín Thorberg – Ungmennasambandi Eyjafjarðar.
- Málfríður Sigurhansdóttir – Íþróttabandalagi Reykjavíkur.
- Ragnheiður Högnadóttir – Ungmennasambandi Vestur-Skaftafellssýslu.
- Sigurður Eiríksson – Ungmennasambandi Eyjafjarðar.
- Sigurður Óskar Jónsson – Ungmennasambandinu Úlfljóti.
Í framboði til varastjórnar eru:
- Guðmunda Ólafsdóttir - Íþróttabandalagi Akraness.
- Hallbera Eiríksdóttir - Ungmennasamband Borgarfjarðar.
- Rakel Másdóttir - Ungmennasambandi Kjalarnesþings.
Kosning stjórnar fer fram á 53. Sambandsþingi UMFÍ sem fram fer á Hótel Geysi í Haukadal dagana 20. - 22. október 2023. Sambandsþingið er haldið á tveggja ára fresti og er það æðsta val í málefnum UMFÍ.