Til hamingju með daginn sjálfboðaliðar!

Dagur sjálfboðaliðans er í dag. Í tilefni af því munu ÍSÍ og UMFÍ bjóða sjálfboðaliðum íþróttahreyfingarinnar að koma í Íþróttamiðstöðina í Laugardal og halda upp á daginn.

Dagskráin hefst klukkan 15:00 með stuttu málþingi. Þar munu sjálfboðaliðar sem tilnefndir voru sem Íþróttaeldhugi ársins 2022 segja sögu sína úr sjálfboðaliðastarfi fyrir íþróttahreyfinguna. 

Þetta eru þau Haraldur Ingólfsson (KA/Þór), Þóra Guðrún Gunnarsdóttir (ÍSS, Björninn, SR) og Friðrik Þór Óskarsson (FRÍ, ÍR). 

Klukkan 16:00 er öllum viðstöddum boðið í vöfflukaffi í boði Vilko og Mjólkursamsölunnar í þjónustumiðstöð UMFÍ.

Með þessu vilja ÍSÍ og UMFÍ vekja athygli á ómetanlegu framlagi sjálfboðaliða til íþróttastarfsins, en án þeirra gengi starfið einfaldlega ekki upp. Takk sjálfboðaliðar!

Viðburður á Facebook fyrir sjálfboðaliða sem vilja koma í vöfflukaffi