Dagur, tími og staðsetning
Dagsetning: Föstudagur 7. júní.
Tími: 19:00 - 19:30
Staðsetning: Íþróttamiðstöð / íþróttasalur
Mæting klukkan 18:00. Athugið að það er breyting frá upprunalegri dagskrá.
Kynja- og aldursflokkar
Einn kynjaflokkur, 50 ára og eldri.
Keppnisfyrirkomulag / reglur
Fyrirkomulag:
Keppni í línudönsum er hópakeppni.
Hópur telst 5 einstaklingar eða fleiri.
Ekki er gert ráð fyrir að þurfi að takmarka stærð hópa en mótshaldara er heimilað setja reglur í þessu efni.
Keppt skal í tveimur dönsum að eigin vali.
Reglur:
Dansað skal að hámarki 2 mínútur í hvorum dansi.
Tónlist liðanna þarf að berast sérgreinastjóra eigi síðar en 4 klst. fyrir keppni
Dómarar skulu vera þrír og hafa gott sjónarhorn yfir dansgólfið.
Gefin eru stig fyrir átta atriði sem eru að finna á dómaraeyðublöðum.
Að stigagjöf lokinni skulu dómarar afhenda keppnisstjóra gögnin.
Keppnisstjóri fer yfir gögnin í viðurvist liðstjóra hópanna.
Hendur keppenda mega ekki snerta gólf.
Spörk mega ekki fara yfir mjaðmahæð.
Gæta skal hófs í klæðnaði þ.e.a.s. keppnisfatnaður þarf að vera samstæður og snyrtilegur, með eða án hatta.