Landsmót UMFÍ 50+ er blanda af íþróttakeppni og annarri keppni, hreyfingu og því að fá fólk á besta aldri til að hafa gaman saman.
Mótið verður haldið í Vogum á Vatnsleysuströnd dagana 6. - 9. júní og er það opið öllum sem verða 50 ára á árinu og eldri. Einnig verða í boði greinar fyrir yngri þátttakendur. Þátttakendur þurfa ekki að vera skráðir í íþróttafélag, allir geta tekið þátt og á sínum forsendum.
Mótsgjald
Þátttökugjald er 5.500 kr.
Mótsstaður
Mótið verður haldið í Vogum á Vatnsleysuströnd dagana 6. – 9. júní 2024 í samstarfi við Ungmennafélagið Þrótt Vogum og Sveitarfélagið Voga.
Mótssvæði
Mótið fer fram á tiltölulega litlu svæði sem er í hjarta bæjarins. Íþróttavöllur, sundlaug og íþróttahús er allt í göngufæri.
Dagskrá
Mótið hefst á fimmtudegi með nokkrum keppnisgreinum en síðan verður föstudagur, laugardagur og sunnudagur undirlagðir með keppnisgreinum. Landsmóti UMFÍ 50+ lýkur síðan um miðjan sunnudag.
Keppnisgreinar
Keppt verður í allskonar greinum - en svo eru allir velkomnir að koma og prófa og taka þátt í hinu og þessu.
Greinar mótsins eru: boccia, borðtennis, brennibolti, bridds, frisbígolf, frjálsar íþróttir, golf, hjólreiðar, kasína, línudans, petanque, píla, pútt, pönnukökubakstur, ringó, skák, stígvélakast, strandarhlaup og sund.
Tjaldsvæði
Tjaldsvæði er afskaplega vel staðsett, nálægt íþróttahúsinu og þaðan er göngufæri í flestar keppnisgreinar.
Mótsstjórn
Mótsstjórn verður íþróttahúsinu. Þar verður tekið á móti mótsgestum og þar fá þeir mótsgögn afhent. Við stöndum vaktina í mótsstjórninni og verðum þar til að svara spurningum ef einhverjar vakna.
Nánari upplýsingar
Framkvæmdastjóri mótsins er Ómar Bragi Stefánsson. Netfang omar@umfi.is Sími 8981095
