UMFÍ

UMFÍ eflir starf sambandsaðila og aðildarfélaga þeirra.

• Tilgangur og hlutverk UMFÍ, íþróttahéraða og aðildarfélaga þeirra er skýrt. Unnið er að samræmdri starfsemi og fjármögnun þeirra, óháð staðsetningu.
• Aukið samstarf og þekkingarmiðlun fyrir forystufólk innan hreyfingarinnar.
• Málsvari hreyfingarinnar út á við, sem birtist í útgefnu efni, umsögnum við lagafrumvörp til Alþingis og aðra opinbera aðila.
• UMFÍ tryggir aðgengi að sérhæfðum upplýsingakerfum og gögnum til að afla bestu upplýsinga um hreyfinguna hverju sinni.
  
  

UMFÍ hvetur og styður við eflingu lýðheilsu.

• Upplýsa og greina þátttöku og brottfall í skipulögðu íþrótta- og æskulýðsstarfi með bestu fáanlegu aðferðunum og auknu samstarfi við fagaðila.
• Hvetja með fjölbreyttum aðferðum til aukins forvarnastarfs tengt líkamlegri, andlegri og félagslegri heilsu.

UMFÍ er öflugur þjónustuaðili.

• Greina stöðu sambandsaðila með það að leiðarljósi að efla persónuleg samskipti UMFÍ og starfsmanna sambandsaðila. Með nánari samskiptum batnar þjónustan.
• Vinna skýra verkferla og bæta aðgengi sambandsaðila UMFÍ að upplýsingum og leiðbeiningum sem nýtast þeim í starfi.
  
  

UMFÍ er leiðandi í fræðslu og forvörnum.

• Vinna að fræðsluefni úr rannsóknum með fagaðilum sem nýtist flestum.
• Nota nútímalegar aðferðir við fræðslu og miðlun upplýsinga. Huga að tíma- og staðsetningu fræðslu svo sem flestir geti eða hafi tök á að nýta sér hana.
  
  

UMFÍ stendur fyrir viðburðum.

• Standa fyrir fjölbreyttum viðburðum, svo sem með nýjum verkefnum eða greinum, sem hvetja til aukinnar vitundar um bætta lýðheilsu.
• Eiga samstarf um framkvæmd viðburða sem samræmast stefnu og hlutverki UMFÍ.
  
  

UMFÍ styrkir grasrótarstarf.

• Endurskoða sjóði og setja vinnu- og úthlutunarreglur í samræmi við hlutverk UMFÍ. Auka gagnsæi í úthlutunum úr sjóðum UMFÍ.
• Veita ráðgjöf og aðstoð við fjármögnun, gerð styrkumsókna innanlands sem utan og rammasamninga sem nýtast sambandsaðilum.

UMFÍ leggur áherslu á nútímalegar aðferðir.

• Taka ákvarðanir byggðar á þörfum og aðstæðum hverju sinni, fylgjast með tæknibreytingum og hvetja til aðlögunar og breytinga á vinnulagi í takt við breyttar og nýjar aðstæður. Hvetja fólk til þess að vera framsækin og þora að prófa nýjungar.
• Nota árangursríkt miðlunarform í fræðslu og fundum miðað við stað og stund hverju sinni.
• Nýta upplýsingakerfi og rafræna samskiptamáta innan hreyfingarinnar til samræmis við nútímatækni, notkun og þarfir hverju sinni.
  
  

UMFÍ byggir á traustum stjórnarháttum.

• Tryggja jafnræði allra sambandsaðila í ákvarðanatöku og að skipulag hreyfingarinnar taki mið af ólíkri stærð og staðsetningu sambandsaðila.
• Tryggja virkt samráð og lýðræðisleg vinnubrögð svo sambandsaðilar hafi vettvang til að tjá sig.
• Fagleg vinnubrögð, gagnsæi og rekjanlegar ákvarðanir einkenni starfsemi UMFÍ.
  
  

UMFÍ sýnir ábyrga hegðun.

• Verkferlar og upplýsingagjöf verði skýr, aðgengileg og samræmd.
• Virðing borin fyrir náttúru og umhverfi í öllu starfi UMFÍ.

UMFÍ byggir á öflugu sjálfboðaliðastarfi.

• Sjálfboðaliðar geti öðlast þekkingu og færni sem þeir þurfa fyrir störf sín og fái verkefni við hæfi.
• Miðla upplýsingum um mikilvægi starf sjálfboðaliða og hampa starfi þeirra bæði innan og utan hreyfingarinnar.
• Búa til hvata sem höfða til ungs fólks, virkja það og auka vægi óformlegs náms og starfs.
  
  

UMFÍ samanstendur af öflugu starfsfólki.

• Starfsfólk UMFÍ hafi þverfaglega þekkingu, sé fjölbreyttur og samhæfður með viðeigandi ólíka styrkleika og sérhæfingu.
  
  

UMFÍ er sterkur samstarfsaðili.

• Meiri áhersla á samtal og samstarf við stjórnvöld.
• Unnið að víðtækara samstarfi við háskóla- og fræðasamfélagið og bæta samlegðaráhrifin.
• Skilgreina hverjum UMFÍ vill tengjast og meta ávinning af samstarfi fyrir samstarfsaðila, hvort heldur mótaðili eru sambandsaðilar, fyrirtæki eða önnur frjáls félagasamtök.
• Ávinningur af erlendu samstarfi metinn og samstarfið forgangsraðað.

UMFÍ er framsýnt í öflun styrkja og rekstrarfjármuna.

• Standa vörð um og efla núverandi tekjupósta. Vekja athygli á rannsóknargögnum sem sýna virði og gildi íþrótta- og æskulýðsstarfs fyrir samfélagið.
• Fjölga tekjuleiðum fyrir einstök verkefni með nýstárlegum leiðum.
• Efla fjárhagsstöðu íþróttahéraða með fjölbreyttum aðferðum og leiðum og styrkja starfsemi íþróttahéraða svo starf þeirra skili sér betur á hverju svæði.
  
  

UMFÍ er ábyrgt í nýtingu fjármuna, mannauðs, aðstöðu og búnaðar.

• Til staðar er skýr áætlanagerð og fjárhagsáætlun verkefna. Verkefnum er fylgt markvisst eftir og þau gerð reglulega upp.
• Gæta útsjónarsemi í nýtingu fjármuna og aðstöðu hverju sinni.
• Gæta jafnræðis og gagnsæis við útdeilingu fjármagns. Það er gert með skýrum úthlutunarreglum í samræmi við stefnu UMFÍ.