Öllum flokkum
09. október 2021
Helga Guðrún, Engilbert og Valdimar sæmd heiðursmerki ÍSÍ
„Mér þykir afar vænt um þetta og er mjög þakklát. Þetta er viðurkenning fyrir störf okkar allra hjá UMFÍ,‟ segir Helga Guðrún Guðjónsdóttir, fyrrverandi formaður UMFÍ. Hún var á þingi ÍSÍ í dag sæmd Heiðurskrossi ÍSÍ. Engilbert Olgeirsson og Valdimar Leó Friðriksson voru heiðraðir á sama tíma.
08. október 2021
Samskiptaráðgjafi íþrótta- og æskulýðsstarfs boðar til kynningafunda
Samskiptaráðgjafi íþrótta- og æskulýðsstarfs mun kynna starfið á næstu dögum og verða kynningarfundir haldnir víðsvegar um landið á næstu vikum. Markmið með starfi samskiptaráðgjafa íþrótta- og æskulýðsstarfs er að slíkt starf fari fram í öruggu umhverfi.
06. október 2021
Forsetinn kynnti leik Forvarnardagsins
Guðni Th. Jóhannesson, forseti Íslands, heimsótti Laugalækjarskóla og Menntaskólann í Kópavogi í tilefni af Forvarnardeginum 2021 í dag. Þar ræddi hann við nemendur og kynnti fyrir þeim leik Forvarnardagsins.
05. október 2021
Framboðsfrestur rennur út á miðnætti
Frestur til að bjóða sig fram til setu í stjórn UMFÍ rennur út á miðnætti. Kosið verður um formann, setu í stjórn og varastjórn á 52. Sambandsþingi UMFÍ sem fram fer á Húsavík dagana 15. – 17. október næstkomandi. Haukur Valtýsson, formaður UMFÍ, hefur gefið upp að hann ætli ekki að gefa kost á sér.
04. október 2021
UMFÍ í fyrsta sinn á þingi ÍBR
UMFÍ vinnur að stefnumótun fyrir ungmennafélagshreyfinguna. Í vinnunni felst að straumlínulaga frekar þá stefnu sem er til staðar og setja færri atriði á oddinn, að sögn Jóhanns Steinars Ingimundarsonar, varaformanns UMFÍ. Hann hélt ávarp á þingi ÍBR sem fram fór um helgina.
04. október 2021
Andleg líðan ungmenna í kastljósi Forvarnardagsins
„Orkudrykkir eru ekki leiðin til að komast í gegnum daginn, við verðum þvert á móti stefnulaus og orkulítil,‟ sagði Guðni Th. Jóhannesson, forseti Íslands, í ávarpi sínu á fjölmiðlafundi Forvarnardagsins 2021. Forvarnardagurinn fer fram í grunn- og framhaldsskólum landsins á miðvikudag.
28. september 2021
Jóhann Steinar sæmdur starfsmerki UMFÍ
Haukur Valtýsson, formaður UMFÍ, kom í óvænta heimsókn í vinnuna til Jóhanns Steinars Ingimundarsonar, varaformanns UMFÍ, á föstudag og sæmdi hann starfsmerki UMFÍ. Jóhann Steinar hefur frá unga aldri sinnt félagsstörfum fyrir Stjörnuna, verið formaður félagsins og verið í stjórn UMFÍ í fjögur ár.
23. september 2021
Ertu með góða verkefnahugmynd?
UMFÍ og ÍSÍ auglýsa eftir umsóknum frá íþróttahéruðum og íþrótta- og ungmennafélögum landsins til að standa fyrir verkefni sem hvetur börn og ungmenni af erlendum uppruna og fjölskyldur þeirra til þátttöku í skipulögðu íþróttastarfi.
22. september 2021
Ríkið styrkir íþróttastarf með COVID-úrræðum
„Stjórnvöld hafa stutt mjög vel og rausnarlega við íþróttastarfið svo þau geti haldið óbreyttri starfsemi,“ segir Kristrún Kristjánsdóttir, framkvæmdastjóri Aftureldingar. Telja má að stuðningur stjórnvalda við íþróttastarf nemi rúmum fjórum milljörðum króna hið minnsta í COVID-faraldrinum.