Allar fréttir
14. mars 2018
Kósý ársþing í hávaðaroki og rafmagnsleysi
Ungmennafélagsandinn var í fyrirrúmi á 85. ársþingi Ungmennasambands Úlfljóts (USÚ) sem fram fór í Hofgarði í Öræfasveit á mánudag. Rafmagnið fór af, fulltrúar UMFÍ og ÍSÍ komust ekki austur vegna hávaðaroks og kom til tals að fá björgunarsveitina til að koma með kvöldmatinn.
12. mars 2018
Guðmundur er þriðji heiðursformaður HSK
Guðmundur Kr. Jónsson á Selfoss var kosinn heiðursformaður Héraðssambandsins Skarphéðins (HSK) á héraðsþingi HSK á laugardag. Á þinginu fengu þeir Árni Þorgilsson og Jón M. Ívarsson gullmerki UMFÍ. Starfsmerki hlutu Árni Þór Hilmarsson, Þorbjörg Vilhjálmsdóttir og Jóhanna Hjartardóttir.
12. mars 2018
Björn, Sigurlína og Skúli sæmd starfsmerki UMFÍ
Björn Hansen, Sigurlína Hrönn Einarsdóttir og Skúli V. Jónsson voru öll sæmd starfsmerki UMFÍ á fjölsóttu héraðsþingi Ungmennasambands Skagafjarðar (UMSS), sem fram fór á Sauðárkróki á laugardag. Á þinginu tók Ingibjörg Klara Helgadóttir við sem formaður UMSS af Arnúnu Höllu Arnórsdóttur.
10. mars 2018
Innsigla samning um Landsmótið á Sauðárkróki
Ásta Björg Pálmadóttir, sveitarstjóri í Skagafirði, Haukur Valtýsson, formaður Ungmennafélags Íslands (UMFÍ), og Arnrún Halla Arnórsdóttir, formaður Ungmennasambands Skagafjarðar (UMSS) skrifuðu síðdegis á fimmtudag undir samning um Landsmótið, sem haldið verður á Sauðárkróki í sumar.
09. mars 2018
Ungmennafélag Kjalnesinga stofnaði leiklistarfélag fyrir ungmenni
Ungmennafélag Kjalnesinga (UMFK) fékk fimmtíu þúsund króna styrk úr Fræðslu- og verkefnasjóði UMFÍ vegna stofnunar leiklistardeildar innan félagsins. Hægt er að sækja um styrki í Fræðslu- og verkefnasjóð UMFÍ til 1. apríl.
07. mars 2018
Björn Grétar: Mælir með því að ungt fólk sækist til áhrifa
Björn Grétar Baldursson er yngsti einstaklingurinn til að setjast í aðalstjórn UMFÍ í sögu hreyfingarinnar. Hann var kosinn í stjórnina á sambandsþingi UMFÍ 2015. Á sambandsþingi UMFÍ haustið 2017 gaf hann ekki kost á sér áfram. Björn sat í tvö ár í aðalstjórn UMFÍ og í níu ár í Ungmennaráði UMFÍ.
07. mars 2018
Sabína segir gott að sækja um styrki hjá Evrópu unga fólksins
„Þetta var áhugavert námskeið. Þar við lærðum að meta áhrif umsóknaskrifa, gæðin og áhrif verkefna sem við erum að vinna við hverju sinni og sækjum um styrki fyrir í gegnum Evrópu unga fólksins,“ segir Sabína Steinunn Halldórsdóttir, landsfulltrúi UMFÍ. Hún mælir með styrkjum Evrópu unga fólksins.
05. mars 2018
Júgóslavneskur blakari er með blakbúðir á Húsavík
Júgóslavneski blakarinn Vladimir Vanja Grbic verður með blakbúðir á Húsavík helgina 23. – 25. mars. Blakbúðirnar eru samstarfsverkefni blakdeildar Völsungs (Blakdeild Völsungs), BLÍ - Blaksamband Íslands og Special Olympics á Íslandi (Íþróttasamband fatlaðra).
02. mars 2018
Gunnar Gunnarsson nýr framkvæmdastjóri UÍA
Stjórn Ungmenna- og íþróttasambands Austurlands (UÍA) hefur gengið frá ráðningu Gunnars Gunnarssonar sem nýs framkvæmdastjóra sambandsins. Hann tekur við starfinu af Ester S. Sigurðardóttur sem er nýr rekstraraðili Löngubúðar á Djúpavogi.