Allar fréttir
04. desember 2020
Anna er afskaplega ánægð með sögu UMF Stjörnunnar
Ungmennafélagið Stjarnan í Garðabæ var stofnað árið 1960 og fagnar því 60 ára afmæli. Í tilefni af því kom út í vikunni saga félagsins í ritstjórn Steinars J. Lúðvíkssonar. Hann segir heilmikla vinnu á bak við sagnaritunina. Anna Möller, fyrrverandi formaður Stjörnunnar, er mjög ánægð með bókina.
02. desember 2020
Frumvarp um stuðning við launakostnað íþróttafélaga birt á Alþingi
Frumvarp félagamálaráðherra um greiðslur til íþróttafélaga vegna launakostnaðar á tímum COVID-faraldursins var útbýtt á Alþingi á mánudag. Þetta er fyrsta skrefið af þremur sem stjórnvöld kynntu fyrir mánuði. Þórir Haraldsson var fulltrúi UMFÍ í vinnu við frumvarpið.
01. desember 2020
Engar breytingar gerðar á samkomutakmörkunum
Engar breytingar verða gerðar á samkomutakmörkunum og íþróttastarfi til 9. desember næstkomandi. Samkvæmt því eru aðeins heimilar æfingar, íþróttastarf og æskulýðs- og tómstundastarf barna á leik- og grunnskólaaldri bæði inni og úti. Sund- og baðstöðvum og líkamsræktarstöðvum verður áfram lokað.
27. nóvember 2020
Grunnskólabörn á Þórshöfn gefa velgjörðarsjóði 100.000 krónur
„Börnunum fannst ægilegt sport að halda á ávísuninni,“ segir Hulda Kristín Baldursdóttir, kennari við Grunnskólann á Þórshöfn. Nemendurnir fengu í dag verðlaun upp á 100 þúsund krónur sem þau unnu fyrir góðan árangur í Hreyfiviku UMFÍ í byrjun sumars. Þau gáfu vinninginn Velferðarsjóði Þórshafnar.
24. nóvember 2020
Æskulýðsvettvangurinn vekur athygli á neteinelti barna og ungmenna
Æskulýðsvettvangurinn hefur sett af stað vitundarvakningu um neteinelti á meðal barna og ungmenna. Verkefnið er tvíþætt og felst í auglýsingu á samfélagsmiðlum og fræðslusíðu á vefsíðu Æskulýðsvettvangsins. Hluti af verkefninu er að birta börnum og ungmennum auglýsingar á samfélagsmiðlum um einelti.
24. nóvember 2020
Gunnar Þór er nýr formaður Ungmennasambands Skagafjarðar
„Maður er farinn að sakna svolítið fólksins,‟ segir Gunnar Þór Gestsson sem var kjörinn formaður Ungmennasambands Skagafjarðar (UMSS) á ársþingi sambandsins í dag. Sara Gísladóttir kjörin varaformaður UMSS. Þingið fór fram á Microsoft Teams og var dagskráin að mestu hefðbundin.
20. nóvember 2020
Soffía: Ungmennaráð gefur ungu fólki tækifæri til þess að láta rödd sína heyrast
Soffía Meldal situr í Ungmennaráði UMFÍ. Hún var á meðal þeirra sem skrifuðu fyrstu skýrsluna um stöðu barna til Barnaréttarnefndar Sameinuðu þjóðanna. Í dag er af mæli Barnasáttmála SÞ. Hann var lögfestur hér á landi árið 2013. Soffía situr í mörgum ungmennaráðum og segir það gefa sér mikið.
18. nóvember 2020
Störf í boði hjá UMFÍ á Laugarvatni
Við leitum að starfsfólki í 100% starf frístundaleiðbeinanda og starfsmann í eldhús og ræstingar í Ungmennabúðum UMFÍ á Laugarvatni. Umsóknarfrestur um starfið er til 1. desember næstkomandi.
18. nóvember 2020
Opnað fyrir styrki til fjölskyldna fyrir íþrótta- og tómstundastarf barna
„Þegar þrengir að fjárhag fjölskyldna er mikil hætta á að þær dragi úr þátttöku barna í íþrótta- og tómstundastarfi,“ segir Ásmundur Einar Daðason, félags- og barnamálaráðherra. Ráðuneytið hefur opnað fyrir umsóknir á sérstökum íþrótta- og tómstundastyrkjum fyrir börn sem búa á tekjulægri heimilum.