Allar fréttir
05. mars 2021
Sonja Lind er nýr sambandsstjóri UMSB
Sonja Lind Estrajher Eyglóardóttir var kosin sambandsstjóri UMSB á sambandsþingi í Borgarnesi í gær. Hún tekur við sætinu af Braga Þór Svavarssyni, skólameistara Menntaskóla Borgarfjarðar. Fleiri breytingar urðu á þinginu því Rakel Dögg Sigurgeirsdóttir er ritari UMSB.
05. mars 2021
Flemming og Guðjón heiðraðir með gullmerki UMFÍ
Þeir Flemming Jessen og Guðjón Guðmundsson voru á sambandsþingi Ungmennasambands Borgarfjarðar (UMSB) báðir heiðraðir fyrir störf sín fyrir ungmennafélagshreyfinguna með gullmerki UMFÍ. Sigríður Bjarnadóttir og Páll Snær Brynjarsson fengu á sama tíma starfsmerki UMFÍ fyrir störf sín.
01. mars 2021
Opið fyrir umsóknir í vorúthlutun úr Fræðslu- og verkefnasjóð UMFÍ
Nú hefur verið opnað fyrir mótttöku umsókna um styrki í Fræðslu- og verkefnasjóð UMFÍ. Sjóðurinn hefur þann tilgang að styrkja félags- og íþróttastarf ungmennafélagshreyfingarinnar m.a með því að auka menntun og þekkingu félaga innan hreyfingarinnar á íþróttagreinum, þjálfun, félagsmálum og fleiru.
01. mars 2021
Framlengja umsóknarfrest fyrir sérstaka frístundastyrki
Frestur til að sækja um styrk fyrir börn frá tekjulægri heimilum sem eiga rétt á sérstökum íþrótta- og tómstundarstyrk á skólaárinu 2020-2021 hefur verið framlengdur til 15. apríl 2021. Styrkurinn er að hámarki 45.000 krónur fyrir hvert barn sem stundar skipulagt íþrótta- og tómstundastarf.
26. febrúar 2021
Guðmundur er nýr formaður UMSK
Guðmundur Sigurbergssson var kjörinn formaður Ungmennasambands Kjalarnesþings (UMSK) á 97. ársþingi UMSK í gær. Hann tók þar við af Valdimar Leó Friðrikssyni, sem hefur verið formaður UMSK síðastliðin 20 ár. Ásamt tíma tók Pétur Örn Magnússon sæti í stjórn UMSK í stað Magnúsar Gíslasonar.
26. febrúar 2021
Lilja fundaði með starfshópi um rafíþróttir
„Heilt yfir er framtíð rafíþrótta björt á Íslandi,“ segir Ólafur Hrafn Steinarsson, formaður starfshóps um rafíþróttir. Starfshópurinn fundaði í þjónustumiðstöð UMFÍ í dag. Lilja Alfreðsdóttir, mennta- og menningarmálaráðherra, sat fundinn og ræddi um mikilvægi þess að efla umgjörð um íþróttirnar.
25. febrúar 2021
Bjarney og Sveinn sæmd Gullmerki UMFÍ
Keflvíkingarnir Bjarney S. Snævarsdóttir og Sveinn Adolfsson voru heiðruð með gullmerki UMFÍ á aðalfundi Keflavíkur, íþrótta- og ungmennafélags. Á sama tíma hlutu þau Hilmar Örn Jónasson, Guðný Magnúsdóttir og Jónas Andrésson starfsmerki UMFÍ. Til viðbótar fékk Einar Skaftason starfsbikar Keflavíkur
23. febrúar 2021
200 áhorfendur leyfðir á íþróttaviðburðum
Allt að 200 manns mega horfa á íþróttaviðburði að uppfylltum ákveðnum skilyrðum, skíðasvæði og sundstaðir mega taka á móti 75% af leyfilegum hámarksfjölda og allt að 150 nemendur heimilaðir í hverju rými á öllum skólastigum. Fjöldatakmarkanir fara úr 20 manns í 50.
23. febrúar 2021
Diddi í Val: Ánægður að sjá áhorfendur aftur
„Það er frábært að fá áhorfendur á leiki aftur. Það var kominn tími á það,‟ segir Sigurður K. Pálsson, framkvæmdastjóri knattspyrnufélagsins Vals í Reykjavík. Hann bætir við að félögin séu fljót að aðlaga sig og muni án nokkurs vafa geta uppfyllt öll skilyrði yfirvalda.