Allar fréttir
17. mars 2020
Lengri frestur til að skila starfsskýrslum
Í ljósi þeirra aðstæðna sem upp eru komnar í samfélaginu og þá ekki síst samkomubannsins sem hamlar því að aðalfundir og ársþing geti farið fram þá hafa ÍSÍ og UMFÍ í sameiningu ákveðið að framlengja frest til að skila inn starfsskýrslum í Felix til 1. júní 2020.
16. mars 2020
Ekki tíminn til að taka neina áhættu
„Þetta er ekki tíminn til að taka neina áhættu. Við leggjum áherslu á að allir iðkendur í íþróttastarfi njóti vafans Það á ekki að gefa neinn afslátt af þeim tilmælum sem yfirvöld hafa sett fram til að sporna við útbreiðslu þessarar veiru,‟ segir Auður Inga Þorsteinsdóttir, framkvæmdastjóri UMFÍ.
16. mars 2020
Ný dagsetning fyrir ungmennaráðstefnu
Vegna þeirrar stöðu sem er í samfélaginu okkar í dag hefur ungmennaráðstefnan Ungt fólk og lýðræði fengið nýja dagsetningu.
15. mars 2020
Íris Grönfeldt sæmd Gullmerki UMFÍ
Íris Grönfeldt var sæmd Gullmerki UMFÍ á ársþingi UMSB í síðustu viku. Íris er vel að Gullmerkinu komin eftir ómetanlegt starf sem sjálfboðaliði fyrir frjálsar íþróttir í áranna rás. Þeir Brynjólfur Guðmundsson og Ingvi Árnason voru jafnframt sæmdir starfsmerki UMFÍ fyrir gott starf.
15. mars 2020
Samkomubann mótar íþróttastarfið
Heppilegt er talið að gera ekki ráð fyrir því að íþróttastarf leik- og grunnskólabarna fari af stað fyrr en viku eftir að samkomubann verður sett á í kvöld. Æfingar eldri iðkenda og fullorðinna lúti ströngum skilyrðum. UMFÍ mælist til þess að allir fari að tilmælum yfirvalda gegn COVID-19 veirunni.
14. mars 2020
Mikil samstaða innan íþróttahreyfingarinnar
„Fólk er einfaldlega að vinna í því að láta púsluspilið ganga upp. Sú vinna heldur áfram um helgina,‟ segir Auður Inga Þorsteinsdóttir, framkvæmdastjóri UMFÍ. Hún og Líney Halldórsdóttir, framkvæmdastjóri ÍSÍ, hafa fundað stíft í vikunni með sambandsaðilum og Almannavörnum vegna samkomubannsins.
13. mars 2020
Samkomubann og nánari leiðbeiningar væntanlegar
Í ljósi nýrra frétta frá yfirvöldum um samkomubann sem gildir tekur á miðnætti 15. mars næstkomandi (aðfaranótt mánudags) og á að vara í mánuð er ljóst að endurskoða þarf og takmarka starfsemi á vegum aðildarfélaga UMFÍ. Unnið er að nánari leiðbeiningum sem verða birtar í dag.
13. mars 2020
Áhrif samkomubanns á íþrótta- og æskulýðsstarf
Stjórnvöld virkjuðu í dag heimildir sóttvarnarlaga til að takmarka samkomur á Íslandi. Í þeim felst sú fordæmalausa aðgerð að takmarkanir eru settar á allar skipulagðar samkomur vegna farsóttar, þ.e. samkomubann sem tekur gildi á miðnætti á sunnudagskvöld til næstu fjögurra vikna.
11. mars 2020
Upplýsingar vegna kórónaveirunnar COVID-19
Á öllum starfsstöðvum UMFÍ; ungmennabúðum á Laugarvatni og þjónustumiðstöðvum hefur verið gripið til viðbragða sem felast í sértækum þrifum á sameiginlegum rýmum og sótthreinsandi spritt er aðgengilegt í almenningsrýmum. Þá hafa sambandsaðilar UMFÍ gripið til ráðstafana.